Според податоците на Евростат, Хрватска се најде на последното место во Европската Унија по уделот на обновливите извори на енергија во транспортниот сектор во 2023 година.
Само 0,9% од регистрираните превозни средства во Хрватска во 2023 година биле напојувани со енергија од обновливи извори. Малку подобро од Хрватска стојат Латвија со 1,4% и Грција со 3,9%.
Најголем удел на обновливи извори на енергија во транспортниот сектор има Шведска со 33,7%, потоа Финска со 20,7%, Холандија со 13,4% и Австрија со 13,2%.
Во просек, уделот на обновливите извори на енергија во транспортот во ЕУ во 2023 година изнесувал 10,8%, што е зголемување од 1,2 процентни поени во однос на 2022 година.
Европската унија постави цел до 2030 година уделот на обновливи извори во транспортот да достигне 29%. Во моментов, Унијата е 18,2 процентни поени под оваа цел.
За да се достигне овој амбициозен план, би било потребно годишно зголемување од 2,6%. Меѓутоа, просечниот годишен раст на уделот на обновливите извори од 2014 до 2023 година изнесувал само 0,43%, што покажува дека е потребен многу поголем напор за да се забрза транзицијата кон еколошки одржлив транспорт.
Н.Д.