Единаесетмина челници на турската организација за права на ЛГБТК+ заедницата се соочуваат со судење во градот Измир, под обвиненија за „опсценост“ и нарушување на заштитата на семејните вредности.
Според обвинението, членовите на здружението „Genç LGBTI+“ објавувале фотографии на социјалните мрежи на кои се прикажани истополови парови како се бакнуваат, што властите го оцениле како непристојно однесување.
Доколку бидат прогласени за виновни, на обвинетите им се заканува казна затвор до три години, како и одземање на одредени граѓански права.
Нивниот адвокат изјави дека случајот претставува напад врз слободата на изразување и здружување, нагласувајќи дека станува збор за легитимни активности кои не треба да бидат криминализирани.
Иако хомосексуалноста не е нелегална во Турција, ЛГБТК+ заедницата често е изложена на притисоци и критики од политичките власти.
