„TODAY IT’S ALL ABOUT JAZZ — VOL.10“ ќе се одржи на 30 април во Скопје

Националниот џез оркестар на 30 април во Скопје по десетти пат го организира
фестивалот „TODAY IT’S ALL ABOUT JAZZ“, по повод Меѓународниот ден на џезот.
Главната програма е закажана за 30 април во паркот „Ибни Пајко“, со настапи на домашни и странски изведувачи: од 16 часот се PEACH VICE (МК), од 17:15 – NEXT TO SILENCE (МК), од 18:30 – ARNAU GARROFÉ: “FRANTIK ZEN” (ES/BG), од 19:45 – JACO LIVES! – Национален џез оркестар & Dane Alderson (MK/USA), диригент е Сиги Феигл од Австрија, а од 21:00 часот е настапот на ЛЕБ И СОЛ (МК).
Во рамки на фестивалот ќе се одржи и едукативната програма за деца „JAZZ FOR KIDS“ на 29 април од 12:00 часот во Парк „Фредерик Шопен“.
Работилницата се реализира во соработка со Општина Кисела Вода и е наменета за деца и ученици кои преку игра, импровизација и музика ќе се запознаат со светот на џезот.
Меѓународниот ден на џезот е прогласен од UNESCO во 2011 година, по иницијатива на Херби Хенкок, и се одбележува во повеќе од 190 земји.
Настанот е поддржан од Халкбанк АД Скопје и СКОПСКО.
Во случај на неповолни временски услови, концертите на 30 април ќе се одржат во салата на Македонската филхармонија.
Влезот е слободен.