И конечно, по 20 години заложби, од попладнево Северна Македонија е полноправна членка на НАТО Алијансата, откако во Вашингтон беше депониран протоколот за членство…
Во текот на денот и генералниот секретар на НАТО, Јенс Столтенберг, на неговиот профил на твитер го честиташе формализирањето на членството на Северна Македонија во Алијансата порачувајќи дека сиот труд се исплател.
Неговата честитка следува откако во САД стаса инструментот за пристапување на Северна Македонија во Северноатлантскиот договор, со што земјава официјално станавме дел од НАТО.
Според официјалното соопштение од Алијансата, на 30 март, во седиштетот на НАТО во Брисел ќе се одржи и церемонијата на кревање на македонското знаме покрај знамињата на останатите земји членки. Во услови на карантин низ цел свет, на настанот ќе присуствуваат само оние кои се ноаѓаат во Брисел, генералниот секретар на НАТО, Јенс Столтенберг, првиот човек на Воениот комитет на Алијансата, Маршал Стјуарт Пич и претставникот на Делегацијата на Северна Македонија во НАТО, Зоран Тодоров.
Претходно, сите 29 земји членки на НАТО го ратификувале Протоколот за пристапување.
Н.С.