Најмалку 15 лица загинаа во нападот на исламистичката екстремистичка група Боко Харам во североисточниот град Мајдугури во Нигерија.
Официјален претставник на службата за вонредни ситуации Бело Дамбата, кој е раководител на тимот за итни случаи, рече дека 68 лица се повредени во нападот, кој се случи во неделата вечер, пренесе Ројтерс.
Ова е, како што се вели, најсериозен напад врз градот откако владата на Нигерија минатата недела соопшти дека преговара со бунтовниците.