Влажните марамчиња што ги користиме за бришење раце или отстранување шминка може да бидат забранети во наредните децении, бидејќи содржат пластика која не е биоразградлива. Затоа производителите ќе треба да развијат влажни марамчиња без пластика или потрошувачите ќе останат без нив.
Во исто време, тие се одговорни за 93 проценти од затнувањето на канализацијата во Велика Британија, според податоци на нританското водоснабдување, објави „Би-Би-Си“.
Ова ги натера производителите на влажни марамчиња и владата да се фокусираат на убедување на потрошувачите да не ги фрлаат во тоалетите.
-Работиме со производителите на влажни марамчиња на пакувањето јасно да им објаснат на луѓето како да ги отстрануваат по употребата, рече портпаролот на Министерството за животна средина.